اليأس خيانه / حياة جديدة

قعدت كتير افكر اسمي الموضوع اليأس خيانة ولا حياة جديده 

بصراحه معرفتش فحطيت الاسمين وقولت لما تقرؤا تقولولي اني احسن 

اليأس خيانه ولا حياه جديده 

ساعات كتير
ناس مننا بتحس بيأس واكتئاب وبتبقي عاوزه تنعزل عن الناس 

حاسه انها  لوحداه وسايب نفسها للدنيا 

في الوقت ده ناس كتير بسبب الاحساس ده 
بتوصل للتفكير في الانتحار عشان تهرب من حياتها ومن يأسها 

يأسها اللي بيبقي سبب الرئيسي في حدوثه 
هو
 الانسان نفسه 
بأختياراته ومواقفه وتفكيره 

زي مثلا 
لما  تيأس من حياتك بسبب حبييب فشلت في اختياره 

او عمل فشلت ف تأديته 

او طلبات من البيت والحياه فشلت في تلبيتها وغيرها من اشياء تؤدي لليأس 

ويبقي الحل الاسهل والاسرع الهروب بالانتحار 

والانتحار مش حل للمشاكل بالعكس انت حليت مشاكلك الدنيويه ونسيت مشاكلك في حياتك الابدية 

نسيبت ربنا وامره ليك بالحفاظ علي امانته ونسيت كل حاجه ووعده ليك ان مهما الامور كانت سيئه فهي الخير ليك في الوقت الحالي

نسيت وعده انك لو روحتله انتا تعبان ويأس من حياتك هو معاك وجمبك وهيطمنك

انا عارفه ان مشاكلنا لا حصر لها 

تقدر تكسر ضهرنا 

لكن انت اقوي 

ربنا خلقك اقوي شئ ف الكون

"لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ"

ربنا اعطاك  أمانه الجبال نفسها لم تتحملها 

شوفت بقي ان ربناعارف قوتك ازاي 

اكيد كلنا سمعنا فيلم فول الصين العظيم 

لما الجد الصيني قاله 

 " ان كل واحد فينا جواه بتطلع لما الانسان بيحتاجها " 

علي فكره الموضوع ده بجد مش كدب 

لما تحتاج تعمل حاجه هتلاقي طاقه ايجابيه جتلك من غير ماتعرف منين 

افتكر لما كنت تعبان وكان في خروجه مع صحابك 

وفجأه بقيت كويس ومش تعبك حاجه 

افتكر احساس ده وطبقه علي كل حاه في حياتك 

خلي عندك مبدا ان اليأس خيانه 

خيانه لنفسك ولطاقتك 

خليك انسان ايجابي ميتأسرش بحاجه حواليه 

مهما حاولت الماقف تكسر فيك 

افتكر ان ربنا اداك امانه الجبال مقدرتش عليها 

اوعي تيأس او تبقي جبان 

خليك اد مسؤلياتك وقراراتك 

واجه حياتك بايجايه 
اخلق حياه جديدة

شاركه

عن Unknown

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.