تعبان طب مخنوق مش طايق حد عندك هموم كتير تعالي شوف الحل لتعبك ده

كام مره وصلت لاخرك وتعبت نفسيا اوي 

كام مره كنت عاوز تبقي لوحدك وتعيط من اللي جواك 

كام مره حسيت انك متلغبط ومش عارف نفسك 

مش عارف انتا صح لا غلط 

كام مره كان نفسك تموت من كتر الضغط اللي حواليك 

كل واحد فينا بيجيله ساعات بيبقي تعبان عاوز يكون لوحده عاوز يسيب الكون بالناس اللي فيه 

يقفل عليه اوضته ويصرخ بصووووووووووت عالي يقول 

يارب 

عارف

 ان معظم مشاكلنا بتبقي ساعات من كتر ذنوبنا 

قال الله عز وجل:

وما أصابكم من مصيبة فبما كسبت أيديكم ويعفو عن كثير

فاعلم أنما يريد الله أن يصيبهم ببعض ذنوبهم.

ما أصاب مصيبة إلا بإذن الله ومن يؤمن بالله يهد قلبه والله بكل شيء عليم

وما نرسل بالآيات إلا تخويفاً

يعني 

ربنا بيقولنا

 ان كل مصيبه بتحصلنا دي اشاره منه وتنبيه لينا 

بيعقبنا ببعض ذنوبنا عشان نرجعله ونتوب له عشان نقوله سامحنا واغفر لنا يارب

عارف ان 

ربنا لما بيحب عبد بيبتليه 

عشان بيعاقبك بذنبك في الدنيا ويخفف من عقابه في الاخره 

 بجد

لما تحس انك خلاص مش قادر اوعي تستسلم 

قوم امسك سجادة الصلاه 

واسجد لربنا وادعيله من قلبك 

ادعيله يخفف عنك 

ويغفرلك ذنوبك

دا ربنا بيقولك ايه 

 فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ 

يعني لما تتعب من همومك وحياتك 

ارجع ليا بالاستغفار والدعاء وتوب بجد عن ذنوبك

ده حتي ربنا بيقولك

فَاصْبِرْ إِنَّ وَعْدَ اللَّهِ حَقٌّ وَاسْتَغْفِرْ لِذَنْبِكَ وَسَبِّحْ بِحَمْدِ رَبِّكَ بِالْعَشِيِّ وَالْإِبْكَارِ

 يعني 
وعده حق 

انك لما تتوب وتستغفره لذنبك وتصبر علي بلائك 

انه هيساعدك 

فمتخافش

اوعي 

في يوم تيأس من رحمه الله او تيأس من كتر همومك 

او تقول انا ذنوبي كتير ربنا عمره ما هيغفرلي 

او اني اتخننقت من حياتي 

اعرف

 ان ربنا معاك مش هيسيبك 

كل اللي عليك انك تتوب بجد 
وتطلب مغفرته 

اقولك علي حاجه 

لما تحس 

انك مهموم  او انك لوحدك 

قول الدعاء ده خليك فاكره 

اكتبه ودامك 

علقه في كل مكان 

بجد قوله علي طول 

« اللَّهُمَّ اغْفِرْ لِيَ الذُّنُوبَ الَّتي تَهْتِكُ الْعِصَمَ

اللَّهُمَّ اغْفِرْ لِيَ الذُّنُوبَ الَّتِي تُنْزِلُ النِّقَمَ

اللَّهُمَّ اغْفِرْ لِيَ الذُّنُوبَ الَّتِي تُغَيِّرُ النِّعَمَ

اللَّهُمَّ اغْفِرْ لِيَ الذُّنُوبَ الَّتِي تَحْبِسُ الدُّعَاءَ

اللَّهُمَّ اغْفِرْ لِيَ الذُّنُوبَ الَّتِي تُنْزِلُ الْبَلاء»

بجد هنرتاح اوي

لو افتكرنا ان ربنا معانا 

هيجيب دعاوانا ويغفرلنا ذنوبنا 

اوعي في يوم تنسي ان

 ربنا قريب منك اوي 

كل اللي عليك بس 

انك

تدعيه وتستنجد بيه 

وربك هيجيب دعائك

متقلقش ربك معاك

شاركه

عن Unknown

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.