لا يكلف الله نفسا الا وسعها

في كتير مننا
 بيمر بأوقات بيحس  ان الدنيا قفلت في وشه

يحس انه الدنيا انتهت 

كاره نفسه وحياته 

مش حابب حتي النفس اللي بيخده 

بيوصل لمرحله انه بقي انسان تاني 

انسان اناني سلبي 
سايب الدنيا تخبط في وهي اللي تمشي 

بيحس انه ولا حاجه 

بيحس ان نفسه بتتغير عليه 

انه مش هو 

ولا قادر يتقبل اللي وصله 

ولا عارف يرجع زي الاول
............. 

كلنا بنمر بالمرحله دي 

وساعات بتستمر لايام وممكن توصل لسنين 

ساعات بنعيش ونموت فيها 

المشكله اننا بنخسر اهم حاجات في حياتنا 

بنخسر نفسنا 
بس

بالتدريج 
.......

اقولكم علي حاجه 

انا واحده من الناس اللي وصلتلها 

وضيعت نفسي فيها 

وصلت لانسان سلبي ومحبط كاره نفسه وكاره اللي حواليه 

بدات بتدريج ابعد واخسر ناس كتير حواليا 

لحد ما ربنا بعتلي حد 

غير حياتي 

خلاني ارجع اصلي واقرب من ربنا 

يمكن اكون مش منتظمه لسه 

بس لما بسجد برتاح لما بفكر في ربنا 
واني رجعتله تاني بفرح  اوي 

يمكن فرحتي دلوقتي في صلاتي 

بعد كده
 ربنا بعتلي فيديو تاني
جه  ودامي 
اكتر من مره 
بس مرادي حسيت اني لازم اشوفه 

فيديو ده
 حسسني ان ربنا جمبي
رحيم وعطوف عليا 

فيديو ده فهمني ايه مهمه في القران

"لا يكلف الله نفسا الا وسعها "

لازم بجد تشوفوه

ربنا بيحطك في مشاكل واختبارات في حياتك
 عشان هو عارف انك ادها 

وانك لو توكلت عليه وعملت اللي عليك 
هتقدر تتخطاها 
انت اصلا تقدر تتخطاها 
لو قولت يارب 

"ونحن اقرب اليه من حبل الوريد"

اوعي تسيب نفسك لحد ماتنهار خالص 

لحد ماتعيش وتموت 
ولا كانك حاجه 

ان مش هقولكوا 
اني بقيت زي الفل 

بس علي الاقل فوقت لنفسي 

قبل ما اخسر كل حاجه حلوه 

في حياتي 

قبل ما اخسرني 

ارجعوا لطبيعتكم وانسوا الهموم دي كلها 

كميه الضغوط الرهيبه 

وهري الناس اللي بيدمرك 

سيبك منه 

لما تقع هتلاقيهم كلهم سابوك وداسوا عليك 

انت تقدر تقاوم اي تعب مهما كان كبير 

افتح كتاب ربنا 

اقرا ايات اللي تيجي عينك عليها 

افتح وانتا بتقول يارب انا محتاجك 
ركز في كل كلمه هتقراها  اوي 

قوم اتوضا وصلي 

اسجد لربنا وقوه انا تعبت 

محتاجك بجد 

سيب همومك علي ربنا 

هو احسن مني ومنك ومن اي بشر 

هو العليم بنفوسنا 

وقادر يكرمنا 
اقولك علي حاجه 
السورتين دول كافيين انهم يخلوك تعيش عمرك كله مطمئن
 فيهم إجابات لأسئلة كتير بتروح و تيجي جوه دماغنا كبشر
اسئله بتخليك مش عارف تستمتع بحياتك أو خايف
. إقرأ الكلام و ترتيبه و ترتيب السورتين كمان..

شاركه

عن Unknown

هذا النص هو مثال لنص يمكن ان يستبدل في نفس المساحة ايضا يمكنك زيارة مدونة مدون محترف لمزيد من تحميل قوالب بلوجر.