وجع
كلمه بسيطه بس تعبها كتير
كلمه بسيطه بس تعبها كتير
وجع علي حد مات
وجع علي عزيز تعبان
وجع علي حبيب ساب او خان
وجع علي حالتك اللي وصلتلها
وجع من حاجات كتييييييييير حوالينا
وجع بيألم قلوبنا
بيكسر في شخصيتنا
بيخلي حياتنا هشه
وجع بيتعب القلب ويبكي العين
وجع يخليك تشوف اللي حواليك كلهم تعبانين
او يخليك تهرب من كل اللي حواليك من حتي نفسك
كل واحد جواه وجع مخبيه عن الناس مخبيه عن نفسه
كاسر حته جواه
بيألم كأنه لسه حاصل كل مايجي في البال
بس بعد كل وجع وجهناه اكيد في ايد حنينه
بتطبطب عليك
تقولك انا جمبك انا معاك
لو مش دلوقتي هيبققي بعدين
خليك واثق انت بس
اصبر هتلاقي وجعك بيتلاشي
ايوه
هو تعبك وكسرك
بس علمك تتماسك
علمك
درس عمرك ماهتنساه
علي اد ماهو بيتعبك علي اد ما بيعلمك
بيديك درس لحياتك عشان تقدر تكمل صح
ارض بوجعك واتفاهم معاه
ارض بقضاء ربك
و استعين بربنا علي وجعك
ده العمر كله لحظات
لحظه وجع والم ولحظه فرح وفرج
خليك فاكر مهما الليل كان ضلمه ومخيف الشمس
هتفضل تطلع علي طول
وان بعد كل عسر بيجي يسر اللي يفرحنا
بس سيبها انت وتوكل واتعلم منه
متخليهوش يسيطر عليك سيطر انت عليه
وافتكر كل حاجه حلوه حواليك وكل لحظه حلوه عيشتها
سيبها علي ربنا ده هو عنده المبتدي والمنتهي
0 التعليقات :
إرسال تعليق