كان في من فتره لينك بيتكلم عن 9 علامات للانتحار
بعيدا عن دي كانت علامات مرئية لانسان قرر ينهي حياته بكل خوف ولامبالاه
بس في راي الانتحار اكبر من انسان قرر ينهي حياته او 9 علامات
اللي بيقرر القرار ده هو انسان جبان خايف يواجه نفسه وحياته
الانتحار الاصعب الانتحار الداخلي انك تبان قوي وانت من جواك هش مش اد حبه هوا
انك تبان مبسوط ويتضحك بس عينك مطفيه وحزينة
انك الانسان المثالي وانتا بتلعن نفسك. كل ليلة
الانتحار هو انك تكره نفسك تكره تصرفاتك تكره نفاقك معاها
كتير مننا منتحرين داخليا بس بيكابروا عشان يستمروا لحد ما اجل الله يجي عشان ميبقوش ضعاف وينهوا حياتهم بايديهم
انك تنهي حياتك ده ابسط القرار لكن الاصعب انك تواجها انك تضغط علي نفسك وتعافر وتكابر
المعافره بتهد الحيل!!!!
عارفه
بس بتقوي وبتقسي الانسان اوي حتي لو هش من جوه فبيبقي في جدار قوي صعب يتكسر
لو منتحر داخليا ونفسيا وعلي شفا اكتئاب او تعمقت في وسبت نفسك فريسه له هتدمر كل حاجه حلوة
كان في دعوه بكررها كتير الايام اللي فاتت
"اللهم اكفينا شر الحاجات والاشخاص الصح في الوقت الغلط"
الوقت الغلط هو الوقت شايف في كل حاجه سواد
الوقت ده بيضعف بصيرتك بيخليك شايف الحاجات الحلوه سودا
خايف تفرح تنكد عليك الحاجات غلط
حرفيا وفعليا الوقت ده مدمر
هو الوقت اللي بتبقي في منتحر داخليا وللاسف الحاجه الصح مش هي اللي هتطلعك منه
لانها بتبقي فرحه لحظيه
اللي هيطلعك منه
انت
قرارك وحياتك واسلوبها هما هيخلوا الوقت صح
هما مش هيخلوا السعاده لحظيه مش هيخلوا لمعه عنيك مطفيه مش هيخلوا حياتك واقفه علي نفخه لو حد نفخ جامد هيكسرك
الخوف انتحار
خوفك من انك تنطلق وتعافر وتبقي اقوي بيخليك متقيد في الارض مش عارف تتحرك
القيود بتفضل قيود حتي لو من ذهب لو فضل متمسك بيها هتموت
هتموت وانت ولا حاجه
0 التعليقات :
إرسال تعليق