عارف
لما تلاقي فيلم حلو بتحبه شغّال
وتقول طب بس استنى نشوف القناة الفُلانيه جايبة إيه ....!
ما يمكن تكون جايبة فيلم أحلى
- أو لما تيجي تركن عربيتك ف مكان مفيهوش ولا ركنة الا المكان الوحيد اللي قدامك،
وتقول طب بس استنى أشوف ركنة قدام ..
يمكن ألاقي ركنة أحلى وأقرب
- ولما تيجي تحب شخص و أول ما يطلب منك تكون معاه فعلاً .. تتردِّد،
وتبدأ تقول ..
طب وأنا ليه أربُط نفسي من دلوقتي،
ليه أخنُق على نفسي ..
ما أستنى يمكن أقابل حد أحسن ..
*وهنا بتكلم عن انك بتكون فعلاً بتحبه*
.
و هكذا
بتفضل تستنى الأجمل والأحلى دايماً
مع إنك ممكن متلاقيهوش ويكون اللي معاك دا هو الأجمل،
هي الفكرة بس اللي هتوصل لها متأخر
إنك يوم ما هتاخد بالك من دا
هتلاقي الفيلم الأولاني خلص
، والركنة حد غيرك خدها
والشخص اللي بيحبك تخطاك وعاش حياته
وفعلاً مش محتاجلك خلاص
الفكرة
إن في ناس
عمرها ما هترضى باللي في إيديها
وهتعيش طول عمرها تدوّر ع الأحسن والأجمل
لحد ما تكتشف إن عمرها ضاع
و لا لَقِت الأحسن
ولا حتى استمتعت ب اللي كان ف ايديها
0 التعليقات :
إرسال تعليق