1. الرسول صلي الله عليه سلم مكانش عنده اخت مغنية اسمها الشيماء مش كانت بالشكل اللي كانت فيه في الفيلم
2. زعماء الكفار ماكانش شكلهم وحش و ريحتهم وحشة ده كانوا اغنى تجار فى العالم
3. هارون الرشيد ما مكانش مقضيها ولا بيعمل حاجات غلط ده كان بيحج عام و يغزو عام و لما يزوره ملك او حد مهم كان يعطيه هدية اختراع جديد لم يرى العالم مثيل له
4. عيسي العوام مش مسيحي
5. قراقوش ما كانش حاكم مفترى و غبى ده كان قائد عظيم بنى قلعة صلاح الدين و القناطر الخيرية باوامر صلاح الدين الايوبى
6. محمد على و اسرته ما كانوش بيتكلموا تركى و لا عربى مكسر و لا بيقولو حظرتونا و لا افنظم ده سفير انجلترا الحالى بقاله خمس سنين فى مصر لما قناة بتستضيفه ا بتتكلم مصرى زى اللبلب يبقى ولاد و احفاد محمد على اللى اتولدوا و عاشوا فى مصر مش بيعرفوا يتكلموا مصرى
7. الوالى محمد سعيد باشا ما كانش عبيط ويضحك عليه بطبق مكرونة و اتاخد منه قناة السويس ده كان حاكم عظيم اول من جعل المصريين ظباط فى الجيش و عمل مشروع عظيم زي قناة السويس و طبعا ما كانش اسمه الخديوى سعيد لان قبل الخديوى اسماعيل ماكانش فيه لقب خديوي
9. الخديوى توفيق ما قلش لاحمد عرابى انتم عبيد احساناتنا و لا احمد عرابى كلمه من فوق الحصان و الخديوى واقف على الارض زى ما بيجيبوا فى الصورة العبيطة المرسومة للواقعة دى
10- الخديوى عباس حلمى الثانى ما حكمش مصر ساعتين و بعدين شالوه ده حكم مصر 22 سنة و كانت كلها انجازات بس لان الانجليز عزلوه و الشعب كان بيعشقه فمش هايعرفوا يشوهوه فقرروا انهم ما يجيبوش سيرته خالص و ممكن تراجعوا صفحة التاريخ بالصور
11- الملك فؤاد ما كانش شحات و مديون و الهبل ده و لا كان حاكم عبيط الانجليز بيحركوه ده كان عنده قصور و اراضى و كان مسئول عن ملف التعليم فى عهد عباس حلمى الثانى و المشرف العام على الجامعة المصرية فى عهد السلطان حسين و كان حاكم عظيم سدد كل ديون مصر و بنى الجيش المصرى باحدث الاسلحة و توسع فى التعليم اللى هو لعبته و عمل قفزة اقتصادية و فى عهده كانت القاهرة اجمل مدينة فى العالم تابعوا مركز كنوز لحماية التراث الثقافى و اتفرج على مصر فى عهده
13- مفيش حاجة اسمها الاسلحة الفاسدة لان الموضوع بشهادة الفريق سعد الدين الشاذلى كانت اسلحة حديثة و متطورة و لم يدرب عليها الجيش المصرى و دى كانت القضية و المحاكمات اللى عليها لانهم ما دربوش الظباط و الجنود على الاسلحة مش لانها بايظة و لا بتضرب لورا زى ما جابوا فى الافلام
0 التعليقات :
إرسال تعليق