ملحوظه " الكلام ده ممكن يعملوا سناجل او مرتبطين"
وطبعا عارفين ان اي اتنين مرتبطين ومخطوبين او متجوزين
بينزلوا ويقضوها ويتفسحوا
واحنا بنتحول لايموشن عبله كامل :D :D :D
تعالوا بقي
نبطل حقد ونعمل حاجه احلي من كده بكتير
طبعا الحب مش بس واقف علي بنت ولد او انك تبقي مرتبط عشان تحتفل بعيد الحب
حبك لمامتك او باباك ده حب
حبك لاخوك او اختك ده حب
حبك لاولادك ده كمان حب
حبك لصديق قريب منك او صديقه زي اختك كل ده حب
الحب موجود في كل حاجه حواليك
وطبعا احلي حب في الدنيا
هو حبك لربنا "سبحانه وتعالي" وحبك لسيدنا محمد "صل الله عليه وسلم"
تعالي اقولك تحتفل بيه ازاي بقي ن غير ماتتحول لعبلة كامل :D
بص ياسيدي
تعالي نبتدي بأطهر حب في الدنيا
حب ربنا "سبحانه وتعالي وسيدنا محمد "صل الله عليه وسلم"
تخيل انك تبدي يوم الحب بأنك تثبت لربنا ورسولك حبك ليهم
ياااااااااااااااااه ع الجمال
تخيل الساعه 12 بليل تقوم تتوضأ وتصلي ركعتين لله كده بنيه حبك له انتا بتصلي بس عشان تبقي بين ايدين ربنا في وقت يمكن في ناس كتير بتغضبه
وتكمل بقي بعد صلاتك انك تصلي علي رسول "صل الله عليه وسلم " 100 مره
وياه بقي لو تمسك القراءن وتقرا فيه شويه وبعدين تدخل تنام ^_^
تخيل جمال اليوم لما تبتديه بحب الله ورسوله ^_^
نمت وصحيت طبعا
قوم من نومك اغسل وشك كده وادخل علي والدتك قولها كل سنه وانتي طيبه انا بحبك اوي وربنا يخليكي ليا ^_^
تخيل مقدار السعاده اللي ممكن تحسها ساعتها
والله هتفرح لسعادتها فوق ما تتخيل
و كما يومك بقي وكلم والدك وقوله ربنا يخليك ليا يا حج ومش يحرمني منك ابدا ^_^
لو مرتبط طبعا هتخرج عادي اللهم ما لا حسد ^_^
لو سنجل بقي زي حالاتي :D :D
ممكن تتفق مع اصحابك السناجل بقي وتاخدهم بقي وتقضوا يوم حلو اوي بجد وتتفسح وبدل قاعده الفيس والحقد والحسد علي اللي بيبقوا مرتبطين :D :D
علي فكره ممكن تاخد اختك وتخرجها وتفسحها بدل صحابك وتحسسها بحبك ليها وتحسسها ان في متعه تانيه في الحب اسمها الحب الاخوي وانها مش محتاجه ولد غريب عشان تخرج ويجيلها هديه في عيد الحب
تعالي وانتا راجع بقي سواء مرتبط بقي او سينجل وكنت مع اصحابك
هات لاختك ورده وانتا راجع وادهالها وقولها كل سنه وانتي احلي اخت في الدنيا ^_^
تخيل في يوم ده انتا فرحت كام حد وانتا فرحت بفرحه كام حد لو عملت كده
تخيل وانتا ودام ربنا وبين ايده وبتقوله انا هصلي عشان بحبك وعاوزه ابقي بين ايديك واستغفرك ياربي
تخيل سيدنا محمد لما يجيله صلاتك عليه 100 مره عشان انتا بتحبه بس
جرب ومش هتخسر
سعاده مش في حب بنت او ولد بس
السعاده في حب اللي حواليك
في انك تكون مصدر سعاده لناس كتير ^_^
0 التعليقات :
إرسال تعليق