صفحة بيضا والقلم حبره مليان
كلام كتير جواك
مش عارف تبدا ازاي
دماغك تخونك مفيش كلام
مفيش حروف
حاسس ان كل اللي جواك مش لاقيله بدايه
تبدا تسأل نفسك
انا عاوز ايه؟
عملت ايه ؟
بفكر في ايه؟
اسئله كانت ليها اجوبه كتير
اول لما فكرت فيها
اجابتها هربت
هربت عشان خايف
خايف تعترف باللي جواك
خايف تقول اللي في دماغك و اللي في قلبك
خايف تواجه نفسك
ولا خايف تثبت انك غلطان
ولا ان همومك بقت ودامك علي الورقة
ولا تشوف نفسك بكل كلاكيعها
تفكيرها
همومها
ودامك
تفكيرها
همومها
ودامك
مواجهه النفس من اصعب الحاجات اللي ممكن الانسان يعملها
بس لو قدر يواجه نفسه فهو قادر يواجه اي حاجه في الدنيا
لانك ساعتها قادر تحدد انت مين , عاوز ايه .بتفكر في ايه
قادر تواجه عدوك الاخطر اللي بتسمع كلامه
وانت عارف انه هو عدوك ومرتاح نفسيا وبتبقي مسالم جدا معاه
امسك الورقة والقلم وواجه نفسك متهربش منها
واجه نفسك قبل ماتضيع من نفسك
0 التعليقات :
إرسال تعليق